Ціханоўскі, Статкевіч, Лосік. Хто яшчэ патрапіў у абноўлены спіс «экстрэмістаў»

Спіс «экстрэмістаў», які вядзе на сваім сайце беларускае Міністэрства ўнутраных спраў, папоўнілі адразу 244-ма прозвішчамі. Сярод іх – вядомыя палітыкі і актывісты. 

4 лістапада МУС абнавіў «Пералік асобаў, датычных да экстрэмісткай дзейнасці», павялічыўшы спіс адразу на 244 прозвішчы. Гэта беларусы і грамадзяне іншых дзяржаваў, якія пераследуюцца ці пераследаваліся па «палітычных» крымінальных артыкулах у Беларусі.

Паводле беларускіх праваахоўнікаў, у спісак «экстрэмістаў» цяпер патрапілі фігуранты «справы Ціханоўскага» Сяргей Ціханоўскі, Мікалай Статкевіч, Ігар Лосік, Уладзімір Цыгановіч, Арцём Сакаў, Дзмітрый Папоў, журналіст «Свабоды» Алег Груздзіловіч, які выйшаў па памілаванні, аднак у пераліку пазначана, што ён адбывае пакаранне.

Таксама ў спісе цяпер:

• блогер, журналіст і футбаліст «Крумкачоў» Аляксандр Івулін
• расяянка Вера Цвікевіч, чый фотаздымак быў на першай паласе беларускай «Камсамольскай праўды» у жніўні 2020-га
• экс-кіраўнік «Аховы птушак Бацькаўшчыны» Віктар Фенчук
• жонка палітзняволенага Анатоля Латушкі – Алена Латушка
• музыкі гурта «Irdorath» Надзея і Уладзімір Калач
• былая кіраўніца арганізацыі «Радзіслава» Вольга Гарбунова.

Цяпер у спісе «экстрэмістаў» 1714 чалавек.

Антон Тачняк belsat.eu

The post Ціханоўскі, Статкевіч, Лосік. Хто яшчэ патрапіў у абноўлены спіс «экстрэмістаў» appeared first on belsat.eu.