Імперцаў нідзе не чакаюць, акрамя Беларусі?

				   </div></div>

Чаму для ўсяго цывілізаванага свету ворагам становяцца расейскія лібералы?

Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»: старшыня праўлення Асацыяцыі «За свабодную Расею» Анастасія Сяргеева, медыяэксперт Паўлюк Быкоўскі і журналістка «Белсату» Аляксандра Шапаліна.

Некаторыя тэзы з выступаў гасцей:

Аляксандра Шапаліна

• Сітуацыя з «Дажджом» – адзіная, калі латвійскім уладам прылятаюць падзякі і ад расейскага ўраду, і ад украінцаў
• Дзіўна думаць, што цябе будуць чакаць у іншай краіне, каб ты працягваў рабіць сваю працу так, як дома
• Пытанне ў тым, ці зможа «Дождж» вызначыцца, хто яны ёсць, для каго яны працуюць, чаго яны хочуць, што дапушчальна, а што – не дапушчальна

Паўлюк Быкоўскі

• «Дождж» стаўся закладнікам сітуацыі, бо працаваў на імідж стварэння «добрых расейцаў»
• Калісьці «Дождж» быў проста нармальным СМІ, ярлык ліберальнага ён атрымаў толькі таму, што іншыя медыі былі не ліберальныя
• «Дажджу» трэба вызначыцца, хто яны. Пакуль яны не вызначыліся, і таму ўзнікае неразуменне

Анастасія Сяргеева

• Тыя, хто хоча падтрымліваць расейскую армію, не глядзяць «Дождж»
• Нельга не быць удзельнікам гэтай вайны, калі ў цябе расейскі ці ўкраінскі пашпарт
• «Дождж» не выратуюць грошы альбо нейкае дзяржаўнае падтрыманне

Поўную версію дыскусіі глядзіце ў праграме «Без акрэдытацыі». 

Belsat.eu

The post Імперцаў нідзе не чакаюць, акрамя Беларусі? appeared first on belsat.eu.

#Беларусь